أمنيجه.....شبه قصة قصيرة
أمنيجه.....شبه قصة قصيرة
ـــــــــــــــــــــــــــــــــــــــ
اطرح راصو ماهو متمونك بيه فارغالو امنيجه و لاهو مرتاح والسيدة تنصحو انو يلعن الشيطان وهو الا يتكلب فجأة فز و جَ كاعد و كام انبش في الصندوك اللي فوك أرحال الود لشمن امنيجه ؛ و قال : هذا ماهو ساوي وتدخلت السيدة من جديد : ذا امالك فت نبشتو مرات ؛ و ارجع و اتكَ و اكعد امللي : هذي ماهي كعدة حد يبغي يكمي يخوتي ؛ وامرك الخيمة اللي في البادية والمنتصبة مع اخيمات لفريك وارجع و اتك و اكعد و نهمز و جَ واكف ؛ الساعة اكريب من الثالثة في الليل ؛ لاهي نلحك " اشمخو " ؛ ظرك تسأله السيدة مستغربة لاهي تخلع الناس اعل شي ماهو مهم اصبر الى الصبح ؛ ماني كاد نصبر وامش يتواطه ..
السلام عليكم السلام عليكم اشمخو اشمخو ؟ ج اشمخو كاعد : ذاك منهو اياك خير ؟ ذاك سعدنا الوالدة أثرها انقطعت يحسن فيك انا ؟ ماهو فالها ؛ ايو انت اصه اخبارك ظرك ؟ انا اندور شمن امنيجه يول خالي امضيعني آتري ؛ امنيجه !! ماهو فالك هذا يخي اصح حد يخوي يسري من خيمتو اياك يكمي ؟ حكل يقول سعدنا وجهلتك خليني من النصيحة عندك شمن امنيجه عجلو اعلي ؛ والله صرتك ذيك ألا فارغالي والله الا واجعة لا حول و لا قوة إلا بالله ..
وامش سعدنا يتواطه شور يسلم ؛ السلام عليكم السلام عليكم يسلم يسلم واعي ؟ ؛ تقول السيدة يسلم : ماهو هون امش الود لنعجة من الدحميس و لافات ج َ ؛ وتضيف : اياك خير الوالدة اشحالها ؟ ماشاء لله ألا كنت بغايتي اشوي ؛ شنهي غايتك ؟ ألا اصه حاشاك أنتِ نبغي نكمي و فارغالي امنيجه نختير اتشوفيلي يكانو لام منها اشوي ؟ ما نعرف يغير بعد لاهي انلود و وخظت "ادريريعة " ليسلم "درس" مالها لعد يحلب فيها اشياه و فرفرتها اتلود للبنتها وامركت منها نص مسواك لو شهر و في تلك اللحظات ادخل "يسلم" كارد بركبة النعجة و صاح ذا شنهو ؟ ذيك افلانه انت واعية ذا شنهو معناه وهذا اللي فيدك شنهو ؟ دراعتي أخبارها يامولانه عندي
ألا انلود لشمن امنيجه تقول السيدة ؛ امنيجه امنيجتاش هذي الثالثة في الليل وانت واعية وانت سعدنا أخبارك ؛ أنا ألا اندور شمن امنيجه ضيعني آتري ماجاني الإستقرار ؛ يبويه ذا ماهو وقت امنيجه هذا ما هو اعل بابو و خلكت الخصومة واوع لفريك قاطبة و جَ اشمخو يحلف و يزحلف ان سعدنا ادور ألا امنيجه و جات اجماعة لفريك و امشاو بسعدنا شور خيمتو و سابك يمشو قال سعدنا يخياتي حد عند اشوي من امنيجه حكل ألفاوني بيه أراني لكم ماني في حزة ... اقترب منه امام المسجد بشور و لفلو اصريرة من امنيجه والين امشات الجماعة دبر عظمو و انتر وقال : يلاّلك يمك يانه ألا بعدني رحت ...
وتستمر المعاناة على أرض المنارة والرباط و معها يتجدد الأمل
ليست هناك تعليقات :
إرسال تعليق