شاعر جاكْ امن أرايْ لُ :: إتمّاشي وابْلاشِي
ءُ لعاد إلّ بانعايْلُ :: يَصرگهم وايتماشي
نبغ مَنزلْ منت إيگّ :: فيه أزوان إيفاتن
بين إيگْـاون والتيگـّ :: ـواتن والتيدناتن
منْ يومْ امْجِيكمْ لاَوْلِيگْ :: الهولْ إلِّ متْبايِنْ
بيهْ ابگيتُ وابْگاوْ لِيگْ:: گاونْ منُّو لِمْحَايِنْ
لاهِ نمش ما كلت گيگْ:: وامع راصي متناصِ
داير كان من ذي التگْ :: گِويتْ انسلّك راصِ
كل أمنادم مزال جايْ :: گالْ أگلال أمّالُ
يكون الشيخ أمّالْ مايْ :: گولْ الشيخ أگِلالُ
كيفتْ گومُ وابلا اجميلْ :: فرظ ْ إگولْ أگِلالُ
واسكاتْ الشيخ ألا ادليلْ :: اعلَ زين أگِلالُ
كامل الود
